Gure atleta gazteak “Atletismoarekin gozatzen” ekimenean parte hartu eta Espainiako eskolarteko finalerako sailkatu ziren. Amaia Andresek eta Oscar Goikoetxeak zuzentzen duten taldea hurrengo asteburuan, apirilaren 28 eta 29an izango da Valentzian lehian.
Landaberriko taldea Ane Galardi, Eneritz Busto, Idoia Olasagasti, Maria Eugi eta Oihana Igarriz osatzen dute.
Amaia Andres entrenatzaileak aipatu digunez,
hirugarren urtea da Landaberrik talde bat duela txapelketa honetan eta esperientzia polita da gazteentzat.
Finala“Atletismoarekin gozatzen” ekintzako finalean Estatu osoko zortzi ikastetxetako taldeak sailkatu dira. Landaberrik laugarren posturik hoberena du eta entrenatzaileak aipatu digunez, “ongi eginez gero, brontzezko domina lor dezakete”.
Gazteek egin behar izango dituzten probak 60 metroko lasterketa, 60 metrotako hesi-lasterketa, 2 km. martxa proba, altuera jauzia, 1000 metrotako iraupen proba eta 4x100 metrotako erreleboa dira.
Entrenatzaileek aipatu digutenez, Landaberriko kide bakoitzak bi proba gehi erreleboa egin beharko ditu. Gainera, proba bakoitzean gutxienez taldeko bi kidek parte hartu beharko dute puntuak lortzeko.
Ekintzen RSSa harpidetu
