-Landaberri BHIko ikasle, irakasle eta guraso guztiek parte hartu ahal izango dute.
-Hiru kategoria izango dira:
A kategoria: 1. eta 2. maila
B kategoria: 3. eta 4. maila
C kategoria: gurasoak eta irakasleak
-Parte hartzeko euskaraz egindako amodiozko idatzi bat (gutun, olerki, kantu…) aurkeztu behar da. Izenburua ere jarri beharko zaio eta ez da sinatuko.
-Idatzi guztiak gutun-azal baten barruan aurkeztuko dira eta horretarako prestatuko den kutxa batean sartu. Gutun-azalean izenburua eta kategoria besterik ez da jarriko eta barruan, gutunarekin batera, parte hartzailearen datuak ipiniko dira beste orri batean.
-Epea: otsailaren 9a.
-Sariak : Euskal produktuak erosteko bonoa kategoria bakoitzerako.
-Irabazleak: Bozketaren bidez erabakiko dira. San Valentin egunerako lanak ikusgai jarriko dira eta ikasle guztiek izango dute botoen bidez beren iritzia emateko aukera.
-Sarituen izenak otsailaren 17an jakinaraziko dira.
Animatu eta parte hartu!!!
Azken eguneratzea: Asteazkena, 2012(e)ko Urtarrila(r)en 25-(e)an 16:36etan
Ipuin kontalari oreretar honek 10 urte daramatza bere kontakizunekin inguruak liluratzen.
Berak aitortzen duenez, ipuin tradizionalak dira gehien gustatzen zaizkionak: "Aspaldiko ipuin tradizionalak oso bereziak iruditzen zaizkit, hauen inguruan dauden mundu magikoak eta fantasiazko istorioak batez ere". Joseba Sarrionandia, Eduardo Galeano edo Italo Calvino dira kontalari honek gehien miresten dituen autoreak, "ahozkotasunaren doinu berezia dutelako".
Izan ere, ahozkotasuna oso ezaugarri garrantzitsua da ipuin bat kontatzerako orduan: "Ipuin bera modu askotan konta daiteke, hitzen doinua eta esaldiei ematen diezun zentzuaren arabera. Hots, ahozkotasunak izugarrizko garrantzia hartzen du”.
Abenduaren 15ean DBHko 1.mailako ikasleek izan zuten bere kontakizunekin gozatzeko aukera.
Azken eguneratzea: Asteazkena, 2011(e)ko Abendua(r)en 21-(e)an 11:06etan
GureGipuzkoa programaren bornean sortutako ekimen honek, Gipuzkoako herritarrek, erakunde publikoek, elkarteek... gipuzkoarrek azken finean, beraien egunerokotasunean sortu dituzten, eta ditugun, argazki eta irudien artxibategia eta erakuslehioa izatea du xede nagusia. Guregipuzkoa.net-en XXI. mendeko ingurune digitalean sorturikoak argazkiak, zein XIX. mendeko amaierako argazki eta irudiak ikusi daitezke.
GureGipuzkoa-k eskaintzen dituen aukerak asko dira: argazki bilaketa librea, mapa bitartez egindako bilaketak, tag-ak erabiliz egindako bilaketak, datak erabiliz... Argazki bakoitzak bere fitxa dauka, non haren izenburua, egilea, data eta lokalizazioaren berri ematen da.
Guregipuzkoa.net 2.0 filosofia bokazioarekin jaio da, izan ere herritar, zein edozein taldea edo erakunde publikoa, argazkiak igo, partekatu, komentatu eta puntuatu ditzake.
Ekintzen RSSa harpidetu
